rots chrüz & witers gschmäus

ben jez grad unsicher worde, esch gschmäus es wort nor för ässe? tönt das komsich i dem zämehang? so sache passiered mer seehr oft....*verkriech*

ich werd jetzt so im abstand vo wenige täg immer weder neui posts schribe, met z.t. zemlich alte bilder wo uf mim kompi umegammled unds na uf de blogg schaffe wänd bevor ich hei gang, und sostige vo mer als wichtig befondene sache :)

rots chrüz (røde kors)

Am 8.Mai esch am Henri Dunant sin Geburtstag. De Henri Dunant esch de Gründer vom Rote Chrüz (und bekanntlich schwizer *stolz*)

En kollegin vo mer, en ustuschschüeleri us Chile, esch dur zuefall is norwegische rote chrüz inecho. dänn häd sie mich au iglade, und jez beni so irgendwie unoffiziell freiwilligi bem rote chrüz :P

am samstig 5.mai hämer in Tromsø en stand gha, wel ebe am 8.mai dänn em Henri Dunant sin geburtstag gsi esch. Det hämer ballön, süessigkeite, radiergummis, lineal, stift, mousepads und gratis umarmige usteilt. und mer händ d'lüt iglade am di.8.mai zom open house bem rote chrüz huus z'cho. und mer händ flyer gha "wie chan ich freiwillige/i förs rote chrüz werde.

ich hans meega cool gfonde, und falls ich ziit deför fende wöri au mega gern ide schwiz freiwilligi förs rote chrüz werde. s'rote chrüz in norwege häd 3 "abteilige", di einti ersti hilf, also so sanitäter und nothälf züg, dänn eini wo sich um alti lüt kümmeret, dass z.b. freiwilligi vom rote chrüz zo dene hei gönd und chli mit ihne reded und kaffi trinked, oder ehne hälfed, und dänn rots chrüz "jugend".

rots chrüz youth häd z.b. en alass wo vom einte abig, d'nacht und de tag dure gad. das heisst "uf de flucht". es betat drus, dass d'teilnehmer 24h lang uf de flucht send. also sie bechömed zerst chli z'ghöre öber d'situation i "erem" land, dänn müends loslaufe, sich es lager baue, ide nacht und au zwöschedure chömed dänn "soldate" wo nach ehne sueched, und luter so züg.

ich dänk das esch secher rächt idrücklich und au erschreckend das z'erläbe. de sinn devo esch, s'verständniss vo lüt wie ois wo inre heile wält läbed för anderne eri situatione z'verstah.

Røde Kors Klem = Rot Chrüz Umarmige

gratis klem stat au uf dem blatt wo a mer akläbt esch :D

witeri bilder ohni grosse zämehang zo ergendöpisem:

eines tages woni met de evelina ide stadt gsi ben hämer plötzlich es chriegsschiff im hafe ligge gseh o.0

ide bibliotek häds sone art flohmärt gha, da han ich mer grad en west side story-cd, hp 4, es dütesch buech wo guet tönt häd, und en cd wo cool usgseh häd (und öbrigens au gueti musig druf häd) gsicheret :D

en möve, am das mache wo möve in tromsø am liebste mached: idringlich kreische. ere lieblingsziitpunkt zum kreische: am 2 am morge. ere lieblingsort zum kreische: möglichst nöch be mim feister -.-

es esch öpe 9 grad warm gsi und märz(was in tromsø glichbedütend met winter esch) woni das föteli gmacht han. aber ich han mich gfühlt wie im hochsommer:D

d'Evellina & ich

en schnappschuss vode ishavskatedrale

woni zode pan heigange ben :)

ustuschschüeler-Bsuech

voremne ziitli send 2 ustuschschüeler uf tromsø uf bsuech cho, de clèment vo frankrich wo in oslo läbt, und de rune vo dütschland wo ide nöchi vo trondheim imne 2000-seele dorf läbt.

Ole und Clèment

Vanessa, sie chonnt vo afrika aber läbt scho set sie 12i oder so esch in Tromsø, mega en liebi :)

womer im polaria gsi send, im souvenir shop (sone art museum wos au robbe get, die hämer sogar chönne berüere womer ois abebügt händ)

Clèment, Rune, Gaute(em ole sin gastbrüeder) und de Ole (di arme händ grad s'hässlichste tromsø wätter abbecho, räge, schnee und wind...)

wo ich und de rune imne kafi gsi send

mer beachti di kunstvoll agfertigti chetti us serviette woni um de hals träge, die häd de rune gmacht :P

Vanessa, Evelina und Rune

d'yfu "uswis" vo mer und em rune

mini ganz normale fründe <3 :D

mer händ usgrechnet, dass i dere stube 8 nationalitäte zäme gsi send, dütschland, frankrich, kanada, litaue, pole, schwiz, norwege und de vanessa eres afrikanische land.