Anna & Fanni's Abreise

am 6.juni send d'fanni vo finnland und d'anna vo dütschland abgreist. sie send 2 vo mine engste fründe da gsi, und tromsø esch ned s'gliche ohni sie...

gester abig händ ich und d'pan met de anna&fanni gskyped, es häd so guet ta eri stemme z'ghöre!

ich ben uh trurig, dass sie gange send, und ich ben uh trurig, dass ich bald au allne andere mues tschüss säge. aber glichzitig beni au uh dankbar deför, dassi so gueti fründe gfonde han, und ich freu mich megamässig alli weder z'gseh und ga bsueche z'ga, und bsuech z'becho, und sowieso.

mer schmided scho flissig plän, dass ich, d'aleksandra und d'fanni im sommer vlt uf kopenhagen gönd, dass d'fanni ide skiferie id schwiz chonnt und mer ga boarde gönd, dass mer i 2 jahr alli zäme uf thailand gönd.. *träum* das werd so guet!

na öpis lustigs wo d'fanni gester bem skype verzellt häd: wänn sie da in tromsø lüt ghört häd wo finnisch gschwätzt händ, esch sie immer sofort uf die zuegstürzt so "heei, send ehr vo finnland, ich ben au vo finnland :D". ich han genau s'gliche, immer wänni bes jez ergendwo schwizerdütsch ghört han ben ich dene z.t. praktisch nagrännt und han met dene afo schwätze. ich han glaub bes jetzt 5 mal schwizer touriste in tromsø atroffe. met de einte hani sicher en halb stund oder so gschwätz, dasch mega cool gsi :D

jedefalls, zrug zode fanni, wo sie dänn ebe dur helsinki gloffe esch und usem ohrewinkel (ich weiss dasses das wort ned get, aber es passt grad so guet) finnisch ghört häd hätti sie sich umes haar umtreit und so gseit "heeei, en ehr vo finnland" xDD um glück häd sie dänn aber rächtziitig gmerkt, dass sie in finnland esch :P