17.MAI & RUSS

Am 17.Mai esch de Nationalfiirtig vo Norwege. Im Gägesatz zode Schwiz wo Trachte jodelnde Alphornspillende Lüt vorbhalte send, spilled Trachte da en vell grösseri Rolle.
Wämer konfermiert werd händ praktisch alli en Tracht ah, am 17.Mai händ uh vell en Tracht ah, und die Tracht lat sich sogar problemlos zo Taufene, Hochzite und anderne Fester alegge.
Eigentlich han ich das bes zom 17.Mai emmer chli komisch gfonde, aber woni dänn s'ganze life erläbt han - ich han d'stadt nanie so voll gseh, es häd öberall zuckerwatte-süessigkeite-hot-dog ständ gha, alli send schön useputzt gsi, di meiste met trachte, mega vell händ nowegischi flaggene debi gha, s'esch emmer vo ergendwo musig cho, d'sonne häd gschune und öberall esch d'norwege flagge ghisst gsi.

mega vell hüser händ da en flaggemast, oder zumindest so öpis wie das womer undedra ufm föteli gseht wo mer ufm balkon händ. woni mit minre gastfamilie id stadt gfahre ben hani so usem feister gluegt, und ich han mich gfühlt wie i eim vo dene troim woni jewils entdecke dass ergendwo en schlange lit, und plötzlich gsehni dass det na en zweiti liit, und en dritti, und dänn gsehni dasses öberall schlange häd. (natürlich aber ufen vell meh positivi art, de traum esch de einzig wäg gsi womer in sinn cho esch zum das gfühl beschribe)
es esch mer so richtig warm ums herz worde woni alli die flaggene im wind flattere gseh han, wörklich praktisch be jedem huus, und dänn semer öber d'brugg gfahre zode insle id stadt, und send praktisch i das flaggemeer itaucht... wie gseit, es esch mer de ganz tag wunderbar warm ums herz gsi :) (ergendwie esch de ganzi text zemlich kitschig usecho...aber was solls, so fühlt mer sich halt als tüf sensible ustuschschüeler^^)

und am schluss vom tag hani dänn au d'nationalhymne uswändig chönne :)
en gschide vorschlag minersiits: de leser chönnti jetzt play trucke, und dänn d'bilder vom 17.mai met de nationalhymne im hindergrund aluege, das wär dänn sehr authentisch!
(zum text, dass ehr wenigstens de afang verstönd: ja, vi elsker dette landet = ja, wir lieben dieses land)

Ich und d'Solveig 

s'chleid hani vode aleksandra usglehnt, d'flagge und das teil wo ade jagge festgmacht send vo minre gastfamilie, und d'jagge und d'chetti häd mer d'Unni geh :) und d'Solveig häd d'tracht vo oisem "bezirk"

Solveig, Unni und Ich

d'Johanne (norwegeri wo letscht jahr in östrich im ustusch gsi esch), Ich und d'Anna

es häd de ganz tag dure umzüg geh, am morge d'chinderumzüg, das da esch de russetog (rüssetog usgsproche, d'erklärig dezue wases esch chonnt witer unde:) )

d'Pan und d'Sunniva

Aleksandra, Ich, Pan, Anna & Evelina

zur abwächslig vo dene foti-lächle-föteli

und weder foti-lächle föteli 

Ole, Anna, Pan & Ich

mer händ ois relativ spontan (also en tag vorher) dezue entschlosse mit YFU im "bürger-umzug" metzlaufe. und dänn hämer au na alli andere ustuschschüeler zom mitlaufe iglade :D s'esch also en YFU&friends umzug worde^^

das super-schlaue schild händ ich und d'Aleksandra am tag vorher gmacht. weroms so super schlau esch? zerst, wämers  vo vore gseht stat det YFU, i rote, ufmerksamkeitsheischende buechstabe. es paar fröged sich dänn vellecht, was heisst dänn das öberhaupt?

und tada, hindedra stats au scho: Youth For Understanding :D
dadezue hämer na werd-yfu-gastfamilie-flyer usteilt und gsunge; gib mir ein Y gib mir ein F, gib mir ein U - YFU - werd na höt gastfamilie! es esch soo lustig gsi!

RUSSETID, also rüsse ziit, esch eigentlich uselütete, nor dasses vom 1. bes am 17.Mai gad. ich fend das esch öpis vom coolste a Norwege, und ich ben so trurig, dass ich das nie werd sii :(
aber en rüss (ich schribs jez so wiemers seit, ned dasses da na missverständnis wäg de ussprach get) z'sii beinhaltet so vell meh als oisi banali uselütete! mer häd spezielli hose- rüssebukse (rüssehose)
die rüssebukse gets in rot för die schuel wo öpe de kanti entspricht, in wiiss för d'sportkanti, blau för die wo en 2 jährigi schuel mached, und wämer die abgschlosse häd chamer sich en lehr sueche, also ide lehr häd mer dänn kei schuel meh, und d'lehr gad dänn au nor 2 jahr, und schwarz för namal sone praktischi schuel wo 2 jahr gad.
normalerwiis schlüssed sich so 6-8 rüss zäme und chaufed sich en rüssebil - es rüsseauto. das mues so billig wie möglich gsi, wel die werded nor ide rüsseziits brucht. sie düends met erem logo amale, und innedra werds zomne partyrum usbaut. die gruppene gänd erne rüssebil dänn jewils fantasievolli näme, wie z.b. "call of booty".

es paar vo mine fantastische fründe us de 3., also abschlussjahrgang, händ sich för rüssevelos entschide. sie händ sich "sex und veloläbe" tauft. da esch d'beschribig vo erere gruppe uf facebook, ich fends soo lustig:

Beskrivelse

Vi er en gjeng moralsk overlegne russ som har innsett at sykling er bedre for miljøet enn bilkjøring. Vi skal dermed gjøre vårt beste for å ha en så miljøvennlig russetid som mulig. Ikke bare skal vi sykle vi skal også se stygt på all russen som kjører bil. I tillegg skal vi dyrke gode verdier som sex, kjærlighet og syklisme.

Selvgjort er velgjort.

Beschreibung (ich übersetzes uf hochdütsch wel sies au uf bokmål und ned uf dialekt gschirbe händ, das get dem ganze na de gwössi öberlegeni touch)

Wir sind eine Gruppe moralisch überlegener Russ, die eingesehen haben, dass Fahrrad fahren besser für die Umwelt ist als Auto fahren. Damit werden wir unser Bestes tun um eine so umweltfreundliche Russenziet wie möglich zu haben. Aber wir werden nicht nur Fahrrad fahren, wir werden auch verächtlich auf alle anderen Russen sehen, die Auto fahren. Ausserdem werden wir gute Werte wie Sex, Liebe und Veloismus(sry kei besseri übersetzig gfonde^^) züchten.

Selber gemacht ist gut gemacht.

dänn häd mer au en spezielli chappe - en "russelua" (rüsselüa), und uf dere stat en name, womer vo sinere klass usgwählt bechonnt.

d'rüssebukse werded voll gschribe, wel mer brucht sie ja nur eimal, vom 1. bes 17.mai im letschte schueljahr 

was sehr unsinnig schint; d'rüsseziit esch ned öpe wänn d'exame verbi send, nei, d'exame send zum teil ide rüssetida, und die meiste send nach de rüssetida.

ich han usegfonde, dass d'rüssetida ursprünglich nach de examen gsi esch. dänn häd mer welle mache, dass d'rüsse nöm so extrem fiired, und mer häd d'rüsseziit glichziitig met de examen gsetzt. 

s'ergebniss gsi, dass alli note abegange send^^ aber niemert häds för notwendig befonde das weder z'ändere, drom eschs jez wies esch.

und es get namal öpis: rüsseknüte, das send verschednigi sache womer mache chan ide rüsseziit, und för jede punkt womer macht bechonnt mer öpis womer hinde ad chappe anehänke chan.

da es paar bispiel:

-gang met min. 6 anderne rüss 5 minute lang hinder enere wild fremde person her(also so inere polonaise)

-mach lütistreich, ränn aber nachem lüte ned weg, sondern hüpf ufemne gummiball mit todernster mine

-umarm a eim tag jede lehrer wo der über de wäg lauft

-lauf ein tag lang zämebunde met emne andere rüss ume

-sitz min. 3h ufeme baum im stadtzentrum

-gang ane anderi schuel und mach aktiv ide stund met

und dänn gets na ganz vell met alkohol, trink so und so vell i so und so chorzer ziit. 

das mues au na gseit sii, de durchschnittsrüss esch zemlich vell betrunke ide rüsseziit, und sie händ mega vell parties.

parties häd mer au scho früener im jahr. z.b. a minere schuel eschs tradition dass sie am abig vorem letschte schueltag es fäst händ, und dänn am nächste morge wänn s'traditionelle um-de-wienachtsbaum-umega esch chömeds dänn jewils immer na atrunke und übermüediget au dethii. 

ich liiebe rüss! und ich wär so gern au rüss :(

dänn häd d'fanni uf erem blogg na ergend so öpis posted, nämlich:
1. Each tagged person must answer the 11 questions given to them by their "tagger" and post it on their blog.    2. Then, choose 11 new people to tag and link them in your post.    3. Create 11 new questions for the people you tag to answer.    4. Do not tag back to the person who has already tagged you.
zom ere en gfalle mache werd ich die na beantworte, au wänn ich niemert neus tagge werd... för die wo das ned läse wänd: de eigentlichi post esch jez fertig, uf wiederseh und bes zum nächste mal *winkewinke*

1.What would you do if you could change one thing in your life? I would always be on time.
2.How does the weather rule your mind, when it rains you're sad and when the sun is shining you're happy? I actually used to like rainy weather, because when it's raining you have to "shine" yourself. But after North norwegian spring I can't stand rain and snow anymore... And of course I like sunny weather!
3.What is a good friendship? A good friend you can trust, you can laugh together and you can talk about everything you have on your mind.
4.Is the whole world worth of seeing? Principally yes, practically no.
5.Are you in love? Somehow maybe, I don't know. I think everybody is always a little bit in love with something or somebody, that's what makes life good. And I am definitely in love with Norway.
6.Where is the best place on earth? Home!! Switzerland <3
7.Who is your icon? Ghandi, Mama and Papa.
8.Jeans or skirt? Depends on mood and weather.
9. Rock or rap? Rock
10.If you could be another person for one day, who would you be? I would be my little brother, Elia.
11.When did you start bloggin for the first time? On the day of my departure to Norway.