Sommarøya

also, ich mues chli ushole zom verzelle wienich uf d'"sommerinsle" cho ben. im februar oder so häd mi di einti kollegin iglade zo öpisem z'cho, wo sie übersetzt "boxe-stop" nänned. ich nänns jewils bibelgruppe, usem eifache grund dasses en bibelgruppe esch^^

das esch jewils am mittwoch abig am 8i ide wohnig vo minre kollegin und 2 anderne diheime, es get chueche, bolle, kafi, tee und heissi schoggi, mer reded zerst über gott und die welt, und dänn über gott. heisst jedes mal gits es thema, dänn redemer drüber, nachher werded ab und zue "loblieder" gsonge und nachher sitzemer nachli gmüetlich zäme.

ich chan uftauchendi befürchtige beruhige, ich ben i kei sekte inecho und min glaube häd sich ned veränderet set ich dethi gange.

ich fends sehr interessant wänn lüt so richtig a gott glaubed, und ich fends sehr interssant über das z'ghöre und mit ihne drüber z'rede. osserdem send sie ned so fanatisch religiös à la "wer ned a gott glaubt chond id höll" und so züg. und zom schluss sends cooli lüt und ganz im geist vom ustusch ben ich immer dra interessiert neui lüt känne z'lehre, anderi asichte z'ghöre und min horizont z'erwitere :)

jedefalls semer vorvorletscht wochenänd vom fritig abig bes am so. mittag uf d'sommarøya gange, wunderschöni bilder chömed witer unde:)

min gsichtsusdruck wiederspieglet sehr genau wie sichs afühlt en tote schwabbelige seestern azlange:P

Elise & Sara Kristine

v.l. : Andreas, Joel, Brontë, Elise, Kine, Lisa, Simon, Johannes und Sara Kristine

ich han dänkt ich hegi sones normals mätteli mitbecho wie alli andere - denkste, mini gastfamilie häd mich met enre monster-sich -sälber-ufblasbarer luftmatraze versorgt ^^

am sa. am morge semer zomne stricklädeli gange wo vo alte strickfreudige fraue betriebe werd und emmer am sa. offe häd

naches paar wenige minute häd mich de strick-klub i eri reihe ufgna :D

und wo mini los nor niete gsi send häd mer di einti frau mega lieb ere trostpriis gschänkt :)

min ehrgizige plan: händsche met muster druffe lisme :)

und zom schluss hämer na gratis waffle mit uf de wäg becho :)

uf das bild beni soo stolz :D

uf dem felse-dings näbedem strand gseht mer es paar lüt hocke. mit dene hani afange rede (ich liiebes mit wildfrämde lüt afange z'rede!). sie send amerikaner gsi wo z.t. in oslo und z.t. in tromsø studiered und en tagesusflug dahi gmacht händ. di einti esch in italie im ustusch gsi und mer händ en holprigi konversation uf italienisch gfüert ^^ schlussendlich hani sicher en halb stund mit dene gredet :D